Шағын футболдан жарыс өтті.

Қазан айының 19-ы күні салауатты өмір салтын насихаттау мақсатында 9-10 сынып оқушылары арасында дене шынықтыру бірлестігінің ұйымдастыруымен шағын футболдан жарыс өткізілді. Тартысты өткен жарыста әр сыныптың ер балдарынан құралған топтар өз шеберліктерін көрсетті. Жарыс соңында топтар мектеп директорының арнайы дипломдарымен марапатталды. Жеңімпаздарды жеңістерімен құттықтаймыз!

IT - сынып ашылды

Қазіргі қоғамда шапшаң жүріп жатқан жаһандану үрдісі әлемдік бәсекелестікті күшейте түсуде. Елбасы өзінің жолдауында «Білім беру реформасы - Қазақстанның бәсекеге нақтылы қабілеттілігін қамтамасыз етуге мүмкіндік беретін аса маңызды құралдарының бірі» деп атап көрсетті. Олай болса, Қазақстан Республикасының білім беру жүйесін ақпараттандыру еліміздің даму стратегиясының негізгі бағыттарының бірі, себебі «ХХІ ғасыр – білім беру жүйесін ақпараттандыру ғасыры». Осы орайда «Цифрлы Қазақстан» бағдарламасы аясында «Нұр Отан» партиясының азаматтардың цифрлық сауаттылығын арттыруға, тегін білім беру саласын жетілдіруге бағытталған «Балалар үшін тегін IT-сынып » жобасын іске асыру мақсатында мектебімізде ақпан айының 5-жұлдызында IT - сынып ашылды. Балалардың қазіргі заманғы бәсекеге сай білім алуына мүмкіндік жасау мақсатында IT-cыныпты ашуға арнайы ҚР Парламентінің мәжіліс депутаты Геннадий Шиповских пен Нұр Отан партиясының Ақтай қалалық филиалы төрағасының бірінші орынбасары Сахипов Қалиолла Аяшұлы келіп, IT- сынып лентасын қиып, жылы лебіздерін білдіріп, IT - сынып жұмыстарымен танысып, оқушылардың презентацияларын тыңдады.

"Білім жүгін арқалап, биікке самға жас талап!" атты физика-информатика апталығы өткізілді

Бүгінгі ғылым мен техниканың қарқынды дамып, еліміздің экономикасы өсіп, үкімет үдемелі индустрияландырудың керемет жобаларын жүзеге асырып отырған кезеңде оқушылардың физика мен информатика пәндерінен біліміне, компьютерлік сауаттылық деңгейіне қойылатын талап та жоғары. Болашақта білімді ұрпақ керек, ал білім кілті – барлық нақты ғылымдардың негізін меңгеруде . Себебі физикалық білімі мықты, компьютерлік сауаттылығы жоғары әрі ойлау қабілеті дамыған бала ғана ғылым мен техника тілін табысты меңгере алады.

Толағай" отбасылық-спорттық сайысы

Қаңтар айының 20-жұлдызында мектебімізде 6-сыныптардың арасында "Толағай" отбасылық-спорттық сайысы өткізілді. Мақсаты: Балалар мен ата-аналарға спорттық ойындарды орындата отырып , спортқа деген қызығушылықтарын арттыру. Оқушылардың денсаулығын нығайту , салауатты өмір салтын ұстануға тәрбиелеу. Сайыс өте қызықты және тартысты өтті. Сайыс қорытындысы бойынша жүлделі орындар беріліп, марапатталды. Сайысқа қатысқан сынып оқушылары мен ата-аналарына үлкен алғысымызды білдіреміз.

"Бүгінгі жас маман - ертеңгі білікті ұстаз"

Білікті ұстаз- сапалы білім негізі демекші, қаңтар айының 19-жұлдызында жоспарға сәйкес мектеп әдіскері Нағима Садырқызының ұйымдастыруымен "Бүгінгі жас маман - ертеңгі білікті ұстаз" атты мектепішілік жас мамандар семинары өткізілді. Семинар барысында еңбек өтілі 5 жылға дейінгі мектеп мұғалімдері өз шеберліктерін, білімдерін көрсетіп, ашық сабақ, сыныптан тыс іс-шаралар өткізді. Бір-бірімен іс-тәжірибе алмасу мақсатында, жас мамандар әріптестерінің сабақтарына қатысты. Семинар жоғары дәрежеде өткізілді. Жас мамандар өз кезегінде өздерінің білікті ұстаз екендерін көрсете білді. Олардың семинардан алған әсерлері өте жақсы болды, сабақ өткізудің жаңа әдіс-тәсілдерін үйренді, өздерінің тәжірибелерімен бөлісті. Семинар соңында мектеп психологтарының ұйымдастыруымен жас мамандарға арналған психологиялық семинар-тренинг және де мектеп әдіскерінің ұйымдастыруымен, семинарды қорытындылау мақсатында дөңгелек үстел өткізілді. Осындай семинарды ұйымдастырған мектеп әдіскері Құрманбаева Нағима Садыровнаға және де семинар барысында сабақ көрсеткен барлық жас мамандарға үлкен алғысымызды білдіреміз.

Мектеп асханаларында тыйым салынған өнімдер мен тағамдардың тізімі

Мектеп асханалары мен буфеттері бірінші кезекте тағамдық және биологиялық құндылығы жоғары табиғи тамақ өнімдерімен қамтамасыз етілуі тиіс. Халықтың санитариялық-эпидемиологиялық саламаттылығы саласындағы нормативтік құқықтық актілерімен мектептік тамақтануда

Жалпы білім беретін пәндер бойынша республикалық олимпиаданың облыстық кезеңінің ІІІ орын иегері атанды.

Жалпы білім беретін пәндер бойынша республикалық олимпиаданың облыстық кезеңінде мектебіміздің 11 "А" сынып Нұрболат Ақжан география пәнінен ІІІ орын иегері атанды. Жетекшісі мектебіміздің география пәні мұғалімі Сисенова Жадыраға алғыс білдіреміз. Жеңістерімен шын жүректен құттықтаймыз! Бағындырар белестерің көп болсын!

Қайырымдылық шарасы өткізілді

Мектебіміздің асханасында бірнеше жылдан бері қызмет етіп келетін жеке кәсіпкер Жамансариева Мариям ханым 1-сынып оқушыларына жаңа жылдық сыйлықтармен қуантты.Мариям ханым еңбегіңіз жемісті болсын!Ұжым атынан сізді жаңа жылмен құттықтаймыз!!!Сіздей мейірімді жандар көп болсын!!!

Облыстық "Зерде" ғылыми жобалар байқауының жеңімпаздары атанды.

Облыстық "Зерде" ғылыми жобалар байқауына мектебіміздің оқушылары (қалалық кезеңнің І орын жүлдегерлері) Абайқызы Махаббат ІІІ орын , Баржикова Гулхат ІІІ орын иегерлері атанды. Жетекшілері мектебіміздің қазақ тілі және әдебиеті пәні мұғалімі Нұрлыбаева Айсұлу Нұрлыбайқызы мен география пәні мұғалімі Жанжигитова Маусымжанға алғысымызды білдіреміз. Жүлделеріңіз құтты болсын! Биіктерден көріне беріңіздер!!!

"Жаңа жыл! Жаңа күн! Жаңа өмір! " жаңа жылға арналған мерекелік кеші өткізілді.

Жаңа жыл! Жаңа күн! Жаңа өмір! Мектебіміздің бастауыш сынып оқушыларына арналған жаңа жылдық кеші өткізілді. Оқушыларға арналған арнайы қойылымдар қойылып, ойындар ойнатылып, әсем әндер шырқалып, жасыл шырша жанында билер биленді. Аяз ата мен Ақшақардың арнайы сыйлықтарын алып, оқушылардың көңілдері көтерілді.

Қалалық «Үздік бастауыш сынып кабинеті» байқауының жеңімпазы атанды.