• 
• 
• 

---

"Integrity shop" атты адалдық дүкені ашылды

22-ақпан күні мектебімізде "Integrity shop" атты адалдық дүкені ашылды. Мақсаты: мектеп оқушыларының бойында адалдық, шыншылдық қасиеттерді сіңіру, сыбайлас жемқорлыққа қарсы күресті күшейту. 

Қалалық "Тілші мұғалімдер-2019" байқауының жеңімпаздары анықталды.

Ақтау қалалық білім бөлімінің және білімді дамыту орталығының жұмыс жоспарына сәйкес өткізілген қалалық "Тілші мұғалімдер-2019" байқауына мектебіміздің мұғалімдері, қазақ тілі және әдебиеті пәні мұғалімі Жоламанова Гүлниса - ІІ орын, ағылшын пәні мұғалімі - Нұрғабылова Гүлдәрі - ІІІ орын, орыс тілі пәні мұғалімі Ырысқалиева Мөлдір - IV орын иегері атанды. Әріптестерімізді жүлделі орындарымен шын жүректен құттықтаймыз. Сіздерге өскелең ұрпақ тәрбиелеудегі өрелі жұмыстар және мемлекеттің гүлденуі жолындағы абыройлы істеріңізге толымды табыс тілейміз! 

Республикалық "Мәшһүр-Жүсіп оқулары" байқауының қалалық кезеңінің жеңімпазы атанды.

Қалалық білім бөлімінің және білімді дамыту орталығының жұмыс жоспарына сәйкес ұйымдастырылған қазақтың ұлы ойшылдарының бірі, ақын, философ, тарихшы Мәшһүр- Жүсіп Көпейұлының шығармалары арқылы өскелең ұрпақты адамгершілік рухында тәрбиелеу мақсатында республикалық "Мәшһүр-Жүсіп оқулары" байқауының қалалық кезеңінде мектебіміздің оқушылары жүлделі орындарды иемденді. Атап айтсақ, "Білімді зерек адам болам! - десең, - Қара өзіңді басқаның айнасымен" бағыты бойынша 9 "Ә" сынып оқушысы Кийкбай Ерлан ІІІ орын, "Алдыма өлең жаз деп қағаз келген, Сөзімді сөйлеп бақтым мен де білген" бағыты бойынша 10 "Ә" сынып оқушысы Бектұрсын Дана ІІ орын иегері атанды. Жеңістеріңізбен шын жүректен құттықтаймыз. Бағындырар биіктерің көп болсын! Жетекшісі мектебіміздің қазақ тілі және әдебиеті пәні мұғалімі Изтурганова Айнагулге алғысымызды білдіреміз. Дарынды да талантты шәкірттеріңізді тәрбиелеудегі қажырлы еңбектеріңіздің жемісін көре беріңіз! 

Қалалық «Математикалық регата-2019» олимпиадасында топ жарды.

Ақтау қалалық білім бөлімінің 31.01.2019ж. №14 бұйрығы негізінде 2019 жылдың 14 ақпаны күні өткізілген математика пәні мұғалімдерінің қалалық «Математикалық регата-2019» олимпиадасында мектебіміздің математика пәні мұғалімдерінен құралған команда жүлделі ІІІ орынды иеленді. "Квадрат" командасының құрамы мектептің математика пәні мұғалімдері Есиркепова Алмагул, Шораева Раушан, Джубанова Венера, Бисенбекова Сырғаны жеңістерімен құттықтаймыз! Өскелең ұрпақты тәрбиелеудегі қажырлы еңбектеріңіздің жемісін көре беріңіздер! 

Қазақстан Республикасының чемпионатында І орын иегері атанды

Мектебіміздің 11-сынып оқушысы Толегенов Даурен ҚАЗАҚСТАН РЕСПУБЛИКАСЫНЫҢ МӘДЕНИЕТ ЖӘНЕ СПОРТ МИНИСТРЛІГІНІҢ СПОРТ ЖӘНЕ ДЕНЕ ШЫНЫҚТЫРУ ІСТЕРІ КОМИТЕТІНІҢ ұйымдастыруымен өткізілген самбо күресінен 2001-2002 ж.т. жасөспірім ұлдар мен қыздар арасында Қазақстан Республикасының чемпионатында І орынды иеленді. Дәуренді жеңісімен шын жүректен құттықтаймыз. Бағындырар биіктерің көп болсын! 

Дарынды, талапты жастар – бүгінгі егеменді еліміздің жарқын болашағы

Дарынды, талапты жастар – бүгінгі егеменді еліміздің жарқын болашағы, демекші мектебімізде дарынды, белсенді оқушыларды мадақтау, марапаттау мақсатында ашық тәлім сәті өткізілді. Республикалық, облыстық, қалалық сайыстарда мектебіміздің атын асқақтатып жүрген оқушылар арнайы марапатталды. 

Қалалық "Үздік сынып жетекші-2019" байқауының ІІ орын иегері атанды.

Қалалық білім бөлімі мен қалалық білім беруді дамыту орталығының ұйымдастыруымен ағымдағы жылдың 14-15 ақпаны күндері өткізілген "Үздік сынып жетекшісі" байқауында мектебіміздің информатика пәні мұғалімі Наурызбайқызы Жансая жүлделі ІІ орын иегері атанды. Жеңісімен шын жүректен құттықтаймыз 

"Ауған - сөнген шоқ, өшкен арман, тек сеннен есте қалған" кездесу кеші

13-ақпан күні мектебімізде АУҒАН ЖЕРІНДЕГІ ҰРЫС ДАЛАСЫНАН КЕҢЕС ӘСКЕРЛЕРІНІҢ ШЫҒАРЫЛҒАНЫНА 30 ЖЫЛ толуына орай "Ауған - сөнген шоқ, өшкен арман, тек сеннен есте қалған" атты Ауған соғысы ардагерлерімен кездесу кеші өткізілді. Кездесу кешіне арнайы қонақтар шақыртылып, концерттік іс-шара өткізілді. 10-11 сынып оқушылары өз өнерлерін көрсетіп, қонақтармен сұхбаттасып, әдемі кездесі кеші өткізілді. Кеш барасында АӘД оқытушысының ұйымдастыруымен өткізілген 10-11 сыныптар арасындағы әскери-патриоттық сайысты қорытындылып, жеңімпаздар марапатталды. Сондай-ақ 2001-2002ж туылған 10-11 сынып ер балдарына әскери куәлік табысталды. Кеш соңында қонақ болып келген ардагерлерімізге алғыс білдіріп, кешімізді "Мен Қазақпын" хорымен аяқтадық. 

"Үздік сынып жетекші-2019" анықталды.

Ақпан айының 7-жұлдызында мектебімізде сынып жетекшілер арасында "Үздік сынып жетекші - 2019" сайысы өткізілді. Сайысқа қатысушы сынып жетекшілер 4 кезең бойынша бақтарын сынады. Атап айтсақ, "Мен - сынып жетекшімін!", "Жас ұрпақты тәрбиелеудегі менің көзқарасым", "Блиц турнирі: панорамалық сабақ және жағдаят сұрақтар", "Шығармашық презентация". Сайыс барысына әділ қазылар алқасы төрелік етіп, үздік сынып жетекшілерді марапаттады. Сайыс қорытындысы бойынша ІІІ орынды - бастауыш сынып мұғалімі Төрегулова Алмагул, ІІ орын - 7 "А" сынып жетекшісі Есиркепова Алмагүл, І орын - бастауыш сынып мұғалімі - Алдабергенова Алмагүл, Бас жүлдені - 10 "б" сынып жетекшісі Новрузбайқызы Жансая иемденді және қалалық сайысқа жолдама алды. Әріптестерімізді жеңістерімен шын жүректен құттықтаймыз. Жас ұрапқты тәрбиелеуде аянбай еңбек етіп, жемістерін көре беріңіздер! 

Қалалық "Алтын жүрек анамыз" атты мәнерлеп оқу сайысының І орын жеңімпазы атанды.

Қалалық Өзін-өзі тану: "Махаббат пен Шығармашылық" атты онкүндік аясында өткізілген "Алтын жүрек анамыз" атты мәнерлеп оқу сайысынан мектебіміздің 9 "А" сынып оқушысы Аманкулов Саясат І орынды иемденді. Жетекшісі мектебіміздің өзін-өзі тану пәні мұғалімі Бүркіталина Аксындарға үлкен алғыс білдіреміз. Жеңістеріңізбен шын жүректен құттықтаймыз. Алар асуларын көп болсын!