"Ұлттың ұлы мұрасы" Халықаралық өнер және білім фестивалінің республикалық байқауының жеңімпаздары атанды.

Абай Құнанбайұлының 175 жылдық мерейтойына арналған "Ұлттың ұлы мұрасы" Халықаралық өнер және білім фестивалінің республикалық байқауында мектебіміздің оқушылары өнерлерін көрсетіп, жүлделі орындарды қанжығаларына байлап келді. Атап айтсақ, эстрадалық вокал бөлімі бойынша мектеп оқушыларынан құралған хор "Бас жүлде", мектеп оқушыларынан құралған трио "Алтын жүлде" (І-орын), "Күй және аспапта орындау" бөлімі бойынша 8-сынып оқушысы Сүйеуғали Қайнар "Алтын жүлде", "Мәнерлеп оқу" бөлімі бойынша 10-сынып оқушысы Кийкбай Ерлан «Алтын жүлде», Жубаев Диас "Алтын жүлде", Абайқызы Махаббат, Булей Сабина  "Күміс жүлде" (ІІ орын), Суесин Алихан, Дауылбаев Бақытжан  "Қола жүлде" (ІІІ орын)  лауреаты атанды. Жеңімпаз шәкірттерімізді жеңістерімен шын жүректен құттықтаймыз! Алар асуларыңыз көп болсын.

 





Ұлттық ойын тоғызқұмалақтан сайыс өткізілді.

iconОқушыларға салауатты өмір салтын насихаттау, дене шынықтырудың адам денсаулығына пайдасы туралы түсіндіру, дене шынықтырумен жиі айналысу,бос уақытын тиімді пайдалану, жарыс ойындарына қызығушылықтарын тудыру және бір-біріне деген достық қарым- қатынас орнату, ұлттық ойынымызды дамыту, жетік меңгеру мақсаттарында маусым айында мектебімізде өткізіліп жүрген тоғызқұмалақ үйірмесінен 2019 жылдың 13 маусым күні сайыс болып өтті. Сайым 4-6 сынып оқушылары арасында өтті. Сайысқа 14 оқушы қатысып, бақтарын сынады. Қатысушылар өз қарсыластарын жеребе тарту арқылы анықтады. Жарыс олимпиадалық жүйеде өткізілді. Сайысқа жауапты маусым айы бойынша үйірмелерді жүргізіп отырған дене шынықтыру пәні мұғалімі Аргынбаева Аяжан Койшыбаевна болды. Жарыс барысында оқушылар белсенділік танытып, сайыс тартысты өтті. Сайыстың қорытындысы бойынша ІІІ-орынды 6 «Б» сыныбының оқушысы Ақбура Бауыржан алса, ІІ-орынды 5 «Г» сыныбының оқушысы Абдітәліп Шыңғысхан , ал І-орынды Сәттіғұл Айдана жеңіп алды. Сайыста жеңіп, жүлделі орын иеленген оқушылар І-ІІ-ІІІ дәрежелі дипломдармен және медалдармен марапатталды. 

"Қазақстан балалары шексіз әлемде!" балалар киносының республикалық фестивалі жеңімпаздары атанды!

iconҚостанай қаласында өткізілген "Қазақстан балалары шексіз әлемде!" балалар киносының республикалық фестиваліне мектебіміздің 8-сынып оқушылары Ихсан Мұстафа, Өтебай Бекзат, Нұрболат қатысып, "Ералаш" номинациясы бойынша жеңімпаз атанып, І дәрежелі дипломмен және арнайы сыйлықтармен марапатталды. Болашағынан үлкен үміт күттіретін оқушыларымызға сәттілік тілейміз. Жеңіс тұғырынан көріне берулеріңе тілектеспіз! Құттықтаймыз! 

"Кемел ойлы, көркем сөзді шежіре" атты көркем сөз шеберлері байқауының жеңімпаздары атанды.

iconӘбіш Кекілбаевтың шығармашылығына арналған қалалық "Кемел ойлы, көркем сөзді шежіре" атты көркем сөз шеберлері байқауында мектебіміздің оқушылары Аманкулов Саясат І-орын, Кийкбай Ерлан ІІ-орын, Баржикова Гулхат IV-орын иеленді. Оқушыларды жеңістерімен шын жүректен құттықтаймыз. Жетекшілері мектебіміздің қазақ тілі мен әдебиеті пәні мұғалімдері Уразова Ұлдай, Изтурганова Айнагүл, Ұзақбаева Гүлсім апайларға алғысымызды білдіреміз. Алар асуларыңыз көп болсын! 

"Сыңғырла, соңғы қоңырау"

icon"№28 жалпы білім беру орта мектебі" КММ-де "Сыңғырла, соңғы қоңырау" атты, жастар жылы аясында ұйымдастырылған соңғы қоңырау салтанатты жиыны өткізілді. Қоңырау үнi. Бұл үн бiлiм кемесi – мектеп қабырғасынан шыққан әрбiр адамның құлағына таныс, жүрегiне жақын. Алғашқы қоңырау – балалық арманыңды жетелеп, бiлiм алып, мақсатыңды айқындауға шақырса, соңғы қоңырау үнi – кәмелетке толып, оң - солын танып, қанаттанған бозбала мен бойжеткендердi арман биiктерiне ұшырып, ең үлкен өмiр мектебiне шығарып салады. Соңғы қоңырау – осындай қимас қоштасу әуенi сәтiмен ыстық.Еліміздегі игiлiктердiң барлығы елдiң болашағы – жас ұрпақтың келешегi жарқын болуы үшiн жасалып жатыр. Туған жеріміздің мәртебесiн арттыратын сендерсiңдер, жас түлектер! Қадамдарыңа сәттi сапар, өмiрлерiне құтты қадам тiлейміз!  

Республикалық "Жұлдызды қолтаңба" өнер байқауының жеңімпаздары атанды.

iconБалалар мен жасөспірімдер арасында өткен Республикалық "Жұлдызды қолтаңба" өнер байқауында мектебіміздің оқушылары вокал жанры бойынша 10-сынып оқушысы Дәурен Алғыт І орын, 7-сынып оқушысы Сүйеуғали Қайнар І орын, 4-сынып оқушысы Қадыр Маржан ІІ орын иегерлері атанды. Үздік өнер көрсеткен оқушыларымыз арнайы дипломмен, медаль және ақшалай сертификаттармен марапатталды. Жетекшісі мектебіміздің музыка пәні мұғалімі Мендигалиева Гульмираға алғысымызды білдіреміз. Жас таланттарға шығармашылық қолдау білдіріп, педагогикалық еңбек жолында жас ұрпақтың бойына азаматтық, рухани адамгершілік, эстетикалық тәрбие қалыстартыра беруіңізге тілектеспіз. 

ІІ Республикалық "Ұлы дала ұрпақтары" байқауында мектебіміздің өнерлі өрендері топ жарды.

iconАқтау қаласында 18-19 мамыр күндері алғашқы рет өткізілген ІІ Республикалық "Ұлы дала ұрпақтары" байқауында мектебіміздің өнерлі өрендері топ жарып, жүлделі орындарды иемденді. Атап айтсақ, 7-сынып оқушылары Саламатова Ақжарқын мен Сауирбекова Сания І орын, Абай Алуа, Қосым Фариза - І орын, 5-сынып оқушылары Ертай Темирлан, Бақтыгүл - ІІІ орын, 7-сынып оқушысы - Нұрболат Сәулет- ІІІ орын иеленді. Жүлделі орындарға ие болған оқушылар арнайы дипломмен, медаль және де ақшалай сертификаттармен марапатталды.Жеңімпаз шәкірттерімізді жеңістерімен құттықтаймыз. Биік шыңдардан көріне берулеріне тілектеспіз! Оқушыларды байқауға дайындаған мектебіміздің қазақ тілі мен әдебиеті пәні мұғалімі Нұрлыбаева Айсұлу және Рахимова Ғазизаға алғысымызды білдіреміз. Сондай-ақ байқау ұйымдастырушыларының атынан жетекшілері алғыс хат пен арнайы "Үздік ұстаз" төсбелгісімен марапатталды. 

"Адалдық апта"

iconАқтау қалалық білім бөлімі, Қазақстан Республикасының мемлекеттік қызмет істері және сыбайлас жемқорлыққа қарсы іс-қимыл агенттігінің Маңғыстау облысы бойынша департаментінің ұйымдастыруымен "Адалдық апта" аясында мектебімізде 14-мамыр күні арнайы шара өткізілді. Шараға «Маңғыстау адалдық алаңы» жобасы кеңсесінің жетекшісі, Маңғыстау облысының қоғамдық кеңес мүшесі Ешманов Кийкбай Жақыпұлы және мектеп ұстаздары қатысты.Жиын барысында мектеп директоры Жаңыл Балмуканбетқызы "Адал ұрпақ" ерікті мектеп клубының жасап жатырған және алдағы уақытта жүзеге асырылатын жұмыстарымен таныстырып өтті. Сұрақтарға жауап беріліп, түсіндіру жұмыстары жүргізіліп, пікір алмасып, кең көлемді шара өтті.Осы апталық аясында арнайы жұмыс жоспары дайындалып, іс-шаралар ұйымдастырылуы керектігі баяндалды. Соның бірі оқушыларға, жасөспірімдер арасында болатын әкімшілік құқықбұзушылықтар мен қылмыстардың алдын-алу мақсатында, сондай-ақ оқушыларға рухани адамгершілік және азаматтық-патриоттық тәрбие беру мақсатында сынып сағаттарын ұйымдастыру, арнайы кездесулер, түсіндіру жұмыстарын жүргізу. 

"Ерлік - елге мұра, ұрпаққа ұран " атты ардагерлермен кездесу өткізілді.

iconЖеңіс күні – бұл сан мыңдаған ұрпақ үшін ортақ мереке. Бұл мереке – бейбітшілік пен қайырымдылықтың мәңгі жасампаздығын, Отанын қорғаған жауынгер-солдаттар мен офицерлердің айбыны, тылдағы Жеңісті жақындатқан жұмысшылардың ерлік еңбектерінің мәңгі өшпейтіндігін дәлелдейтін белгі болып қалмақ. Біздің аталарымыз бен әкелеріміздің батырлықтары мен жанқиярлықтары, олардың өз Отанына деген шексіз сүйіспеншіліктері Қазақстанның бүгінгі жауынгерлері үшін мақтан тұтарлық үлгі ғана емес, бұл – бірнеше ұрпақты байланыстыратын қоғамның рухани дамуы мен ұлттық қайта өрлеуінің жоғары адамгершілік негізі. Жеңіс күні – абыройымыз бен даңқымыздың мерекесі. 

«Қазақстан- достықтың киелі бесігі»

iconМектебімізде 1-мамыр Қазақстан халықтарының бірлігі күніне орай «Қазақстан- достықтың киелі бесігі» атты мерекелік іс-шара ұйымдастырылды. Мақсаты: оқушыларды елін сүюге, Отанға деген мақтаныш сезімін арттыруға ықпал ету. Сыйластық, татулық, бақыт ұғымдары туралы түсініктерін кеңейту.Ынтымағы мен бірлігі жарасқан елдің ұланы екендігін мақтанышпен сезіне білуге тәрбиелеу. 

"Жұлдыз болғың келсе" атты Республикалық дарынды балалар мен жасөспірімдер байқауында топ жарды.

icon28 ақпан күні Нұр-сұлтан қаласында өткізілген "Жұлдыз болғың келсе" атты Республикалық дарынды балалар мен жасөспірімдер байқауында "Көркем сөз" номинациясы бойынша мектебіміздің оқушылары жүлделі орындарды иеленді, атап айтсақ, 10 "Б" сынып оқушылары Көмек Аида - Бас жүлде, Мамутжанова Гүлназ, Байдықылышова Гүлден, Наурызова Жансая, Кийкбай Нұрниет - І орын, Ботабай Бекнұр - ІІ орын, Бердигулов Жадырасын, Сарыев Нұржан - ІІІ орын, 11-сынып оқушылары Зинуров Бекжан, Бақтыбаев Дінмұххаммед -І орын, 8 "Б" сынып оқушысы Түйебай Шыңғысхан -ІІІ орын иегері атанды. Сондай-ақ "Сахналық қойылым" номинациясы бойынша мектеп оқушыларынан құралған "Шындық" тобы "Бас жүлдені" жеңіп алды. Қазылар алқасының төрайымы ҚР-ның еңбек сіңірген әртісі, "Құрмет", "Парасат" ордендерінің иегері, продюсер, ұстаз, әнші Майра Ильясова жеңімпаз оқушыларға дипломдар мен төсбелгілерді өз қолымен табыстап, алғысын білдіріп, жеңістерімен құттықтады. 

Соңғы жаңалықтар

Республикалық "Қадыр оқулары" байқауының қалалық кезеңінің жеңімпазы атанды.

Республикалық "Қадыр оқулары" байқауының қалалық кезеңіне мектебіміздің оқушылары қатысып, жүлде ...

25 қаңтар 2020
Тоғызқұмалақтан жеңімпаз атанды.

Тоғызқұмалақтан әйелдер арасында ұйымдастырылған қалалық командалық жарыста мектебіміздің дене ...

23 қаңтар 2020
"Балалар болашағымыз" атты ата-аналар жиналысы өткізілді.

Қаңтар айының 18-і күні мектеп психологы Айтжанова Жарқынның ұйымдастыруымен "Балалар болашағымыз" ...

20 қаңтар 2020
Республикалық "Мұқағали оқулары" байқауының қалалық кезеңінің жеңімпазы атанды.

Республикалық "Мұқағали оқулары" байқауының қалалық кезеңіне мектебіміздің 10-оқушысы Киікбай Ерл ...

18 қаңтар 2020
Республикалық біріңғай "Адалдық сағаттары" өткізілді.

«№ 28 жалпы білім беру орта мектебі» КММ-де 17-қаңтар күні Республикалық «Адалдық сағаттары» акцияс ...

17 қаңтар 2020