"Мектепке жол" қайырымдылық акциясы өткізілді.

Қайырымдылық — халқымыздың ең ізгі қасиеттерінің бірі. «Жанашырлыққа — жан риза» дегендей ,әлеуметтік көмекті қажет ететін балаларға көмектесіп, қамқорлыққа алынған балалардың жанашыр қамқоршысы болып, аялы алақанын тосып, жүрек жылуын ұсыну, сауабы мол іске ат салысу әрбір адамның азаматтық парызы. Елбасының бастамасымен қолға алынып, республика көлемінде өтетін жыл сайынғы «Мектепке жол» қайырымдылық акциясы жаңа оқу жылы қарсаңында «Жүректен жүрекке» ұранымен өтіп жатыр. 
Акцияның мақсаты – жаңа оқу жылына дайындық уақытында аз қамтамасыз етілген және көп балалы отбасылардан шыққан оқушыларға қолдау көрсету және балаланың әлеуметтік себептермен мектепке келмей қалуының алдын алу. 

Осы мақсатта мектебімізде акция жалғасын тапты. 26 тамыз күні «Мектепке жол» акциясын ұйымдастырылды. Мектеп ұжымы бірлесіп әлеуметтік көмекті қажет ететін 15 оқушыға оқушы сөмкесі, оқу құралдарымен және Ақтау қаласы полиция басқармасы бастығының орынбасары полиция полковнигі Садақбаев Мұхтар Қанғалиұлы бастаған топ өздерінің қарлығаш көмектерін көрсетуге келіп, мектебіміздің 8 оқушысына оқушы сөмкесі, оқу құралдарымен қамтамасыз еткен болса, сондай-ақ «КазНИПИ мұнайгаз» АҚ мекемесі 15 оқушымызға мектеп формасы, оқушы сөмекесі және оқу құралдарын алып беріп, демеушілік көрсетіп балаларымызды бір қуантып тастады. Осындай қайырымдылық жасаған «КазНИПИ мұнайгаз» директоры Иманбаев Бақыт Алтайұлына сондай – ақ Ақтау қаласы полиция басқармасы бастығының орынбасары полиция полковнигі Садақбаев Мұхтар Қанғалиұлына және мектеп ұжымына да алғысымыз шексіз. Ертеңге талпыныс, болашаққа бағдар, игі іске ұмтылыс – адамзатқа тән құбылыс. Ендеше, көп болып, асыл арманына қол созғандарға сүйеніш болып, қолымыздан келген көмегімізді аямайық. 





8-наурыз мерекесімен құттықтау

iconЖақсылықтың нышанындай,жаның сүйген адамның жып-жылы құшағындай, саф алтындай тазалығы мен сұлулығын беретін, жайма шуақ сәулелерін төгетін, көңілдерге қуаныштар егетін, имандылық пен пәк қыздардың мінезіндей ибалылық себетін көгілдір көктемнің алғашқы мерекесі, той атаулының қызығы мен берекесі – 8 НАУРЫЗ келді ортамызға! 

Алғыс айту күні - шынайы алғыс пен ыстық ықыластың белгісі.

iconОсы орайда мектебімізде көктемнің алғышқы күні Алғыс айту күні аталып өтті. Мақсаты: білім алушыларға «1 наурыз- Алғыс айту күні» мерекесінің мәні туралы түсінік беру және ризашылық пен алғыс,сыйластық құндылығы туралы түсініктерін кеңейту,үлкен - кішіге деген сүйіспеншілігін, сыпайылық қарым - қатынасын дамыту,әдептілікке, кішіпейілділікке, ізеттілікке тәрбиелеу. Мектеп оқушылары осы күнге арнайы ұйымдастырылған іс-шараларға белсене ат салысты. Атап айтсақ, 5,6,7- сынып оқушылары өздерінің алғыстарын қабырға газеттерін дайындау арқылы, 9-10 сынып оқушылары мерекеге орай бейнероликтер дайындау арқылы алғыстарын білдірды. Сондай-ақ арнайы мерекелік концерт өткізілді. Концерт барысында мың бұралған бишілердің билері, күміс көмей әнші оқушыларды әндері тыңдалып, құттықтаулар мен алғыстар айтылды. Кеш соңында мектептің атын асқақтатып жүрген, үлгілі, білімді, белсенді, қалалық, облыстық, республикалық сайыс жеңімпаздары атанып жүрген оқушылардың ата-аналарына алғыс хаттары табысталды. 

Республикалық "Фариза, Фаризажан, Фариза қыз" атты Фариза Оңғарсынованың өлеңдерін оқу және ақын өлеңдеріне жазылған әндерден БАЛАЛАР МЕН ЖАСӨСПІРІМДЕР байқауында мектеп мәртебесі асқақтады.

iconДарынды, талапты жастар – бүгінгі егеменді еліміздің жарқын болашағы. Ақпан айының 22-23 аралығында Атырау қаласында өткен республикалық "Фариза, Фаризажан, Фариза қыз" атты Фариза Оңғарсынованың өлеңдерін оқу және ақын өлеңдеріне жазылған әндерден БАЛАЛАР МЕН ЖАСӨСПІРІМДЕР байқауына мектебіміздің оқушылары қатысып, мектебіміздің мәртебесін асқақтатып жүлделі орындармен оралды. Атап айтсақ, "Көркем сөз" номинациясы бойынша 6-сынып оқушысы" Абайқызы Махаббат - Бас жүлде", 11-сынып оқушысы Амантаев Мереке - Бас жүлде, 7-сынып оқушысы Саламатова Ақмаржан - Бас жүлде, 8 -сынып оқушысы Тілеген Орақ - Бас жүлде, 10-сынып оқушысы Көмек Аида - І орын, 7-сынып оқушысы Жұмабай Ерлік - І орын, 7-сынып оқушысы Нұржауқызы Тоғжан - І орын иегері атанды. "Эстрадалық вокал" номинациясы бойынша 5-сынып оқушысы Бектасқызы Лидия - І орын, 5-сынып оқушысы Нұржан Салтанат-ІІІ орын, 6-сынып оқушысы Нұртуғанқызы Әмина - ІІІ орын, "Бейнелеу өнері" номинациясы бойынша - 8 сынып оқушысы Сұлтанбеков Нұрлан - Бас жүлде, "Ақындық өнер" номинациясы бойынша 10 сынып оқушысы Бектұрсын Дана - І орын иегері атанды. Жеңімпаз шәкірттерімізді жеңістерімен шын жүректен құттықтаймыз! Оқушыларды осындай жетістіктерге жетулеріне өз үлестерін қосқан жетекшілеріне, қазақ тілі мен әдебиеті пәні мұғалімдері Нұрлыбаева Айсұлу Нұрлыбайқызына, Изтурганова Айнагүл Жолдасовнаға, Рахимова Ғазизаға, музыка пәні мұғалімі Мендигалиева Гүлмираға, сызу пәні мұғалімі Жанбыршиева Рыстыға алғысымызды білдіреміз және де талантты шәкірттерінің жеңістерімен құттықтаймыз. Сіздерге өскелең ұрпақ тәрбиелеудегі өрелі жұмыстар және мемлекеттің гүлденуі жолындағы абыройлы істеріңізге толымды табыс тілейміз!  

"Integrity shop" атты адалдық дүкені ашылды

icon22-ақпан күні мектебімізде "Integrity shop" атты адалдық дүкені ашылды. Мақсаты: мектеп оқушыларының бойында адалдық, шыншылдық қасиеттерді сіңіру, сыбайлас жемқорлыққа қарсы күресті күшейту. 

Қалалық "Тілші мұғалімдер-2019" байқауының жеңімпаздары анықталды.

iconАқтау қалалық білім бөлімінің және білімді дамыту орталығының жұмыс жоспарына сәйкес өткізілген қалалық "Тілші мұғалімдер-2019" байқауына мектебіміздің мұғалімдері, қазақ тілі және әдебиеті пәні мұғалімі Жоламанова Гүлниса - ІІ орын, ағылшын пәні мұғалімі - Нұрғабылова Гүлдәрі - ІІІ орын, орыс тілі пәні мұғалімі Ырысқалиева Мөлдір - IV орын иегері атанды. Әріптестерімізді жүлделі орындарымен шын жүректен құттықтаймыз. Сіздерге өскелең ұрпақ тәрбиелеудегі өрелі жұмыстар және мемлекеттің гүлденуі жолындағы абыройлы істеріңізге толымды табыс тілейміз! 

Республикалық "Мәшһүр-Жүсіп оқулары" байқауының қалалық кезеңінің жеңімпазы атанды.

iconҚалалық білім бөлімінің және білімді дамыту орталығының жұмыс жоспарына сәйкес ұйымдастырылған қазақтың ұлы ойшылдарының бірі, ақын, философ, тарихшы Мәшһүр- Жүсіп Көпейұлының шығармалары арқылы өскелең ұрпақты адамгершілік рухында тәрбиелеу мақсатында республикалық "Мәшһүр-Жүсіп оқулары" байқауының қалалық кезеңінде мектебіміздің оқушылары жүлделі орындарды иемденді. Атап айтсақ, "Білімді зерек адам болам! - десең, - Қара өзіңді басқаның айнасымен" бағыты бойынша 9 "Ә" сынып оқушысы Кийкбай Ерлан ІІІ орын, "Алдыма өлең жаз деп қағаз келген, Сөзімді сөйлеп бақтым мен де білген" бағыты бойынша 10 "Ә" сынып оқушысы Бектұрсын Дана ІІ орын иегері атанды. Жеңістеріңізбен шын жүректен құттықтаймыз. Бағындырар биіктерің көп болсын! Жетекшісі мектебіміздің қазақ тілі және әдебиеті пәні мұғалімі Изтурганова Айнагулге алғысымызды білдіреміз. Дарынды да талантты шәкірттеріңізді тәрбиелеудегі қажырлы еңбектеріңіздің жемісін көре беріңіз! 

Қалалық «Математикалық регата-2019» олимпиадасында топ жарды.

iconАқтау қалалық білім бөлімінің 31.01.2019ж. №14 бұйрығы негізінде 2019 жылдың 14 ақпаны күні өткізілген математика пәні мұғалімдерінің қалалық «Математикалық регата-2019» олимпиадасында мектебіміздің математика пәні мұғалімдерінен құралған команда жүлделі ІІІ орынды иеленді. "Квадрат" командасының құрамы мектептің математика пәні мұғалімдері Есиркепова Алмагул, Шораева Раушан, Джубанова Венера, Бисенбекова Сырғаны жеңістерімен құттықтаймыз! Өскелең ұрпақты тәрбиелеудегі қажырлы еңбектеріңіздің жемісін көре беріңіздер! 

Қазақстан Республикасының чемпионатында І орын иегері атанды

iconМектебіміздің 11-сынып оқушысы Толегенов Даурен ҚАЗАҚСТАН РЕСПУБЛИКАСЫНЫҢ МӘДЕНИЕТ ЖӘНЕ СПОРТ МИНИСТРЛІГІНІҢ СПОРТ ЖӘНЕ ДЕНЕ ШЫНЫҚТЫРУ ІСТЕРІ КОМИТЕТІНІҢ ұйымдастыруымен өткізілген самбо күресінен 2001-2002 ж.т. жасөспірім ұлдар мен қыздар арасында Қазақстан Республикасының чемпионатында І орынды иеленді. Дәуренді жеңісімен шын жүректен құттықтаймыз. Бағындырар биіктерің көп болсын! 

Дарынды, талапты жастар – бүгінгі егеменді еліміздің жарқын болашағы

iconДарынды, талапты жастар – бүгінгі егеменді еліміздің жарқын болашағы, демекші мектебімізде дарынды, белсенді оқушыларды мадақтау, марапаттау мақсатында ашық тәлім сәті өткізілді. Республикалық, облыстық, қалалық сайыстарда мектебіміздің атын асқақтатып жүрген оқушылар арнайы марапатталды. 

Қалалық "Үздік сынып жетекші-2019" байқауының ІІ орын иегері атанды.

iconҚалалық білім бөлімі мен қалалық білім беруді дамыту орталығының ұйымдастыруымен ағымдағы жылдың 14-15 ақпаны күндері өткізілген "Үздік сынып жетекшісі" байқауында мектебіміздің информатика пәні мұғалімі Наурызбайқызы Жансая жүлделі ІІ орын иегері атанды. Жеңісімен шын жүректен құттықтаймыз 

Соңғы жаңалықтар

Республикалық "Қадыр оқулары" байқауының қалалық кезеңінің жеңімпазы атанды.

Республикалық "Қадыр оқулары" байқауының қалалық кезеңіне мектебіміздің оқушылары қатысып, жүлде ...

25 қаңтар 2020
Тоғызқұмалақтан жеңімпаз атанды.

Тоғызқұмалақтан әйелдер арасында ұйымдастырылған қалалық командалық жарыста мектебіміздің дене ...

23 қаңтар 2020
"Балалар болашағымыз" атты ата-аналар жиналысы өткізілді.

Қаңтар айының 18-і күні мектеп психологы Айтжанова Жарқынның ұйымдастыруымен "Балалар болашағымыз" ...

20 қаңтар 2020
Республикалық "Мұқағали оқулары" байқауының қалалық кезеңінің жеңімпазы атанды.

Республикалық "Мұқағали оқулары" байқауының қалалық кезеңіне мектебіміздің 10-оқушысы Киікбай Ерл ...

18 қаңтар 2020
Республикалық біріңғай "Адалдық сағаттары" өткізілді.

«№ 28 жалпы білім беру орта мектебі» КММ-де 17-қаңтар күні Республикалық «Адалдық сағаттары» акцияс ...

17 қаңтар 2020