"Мектепке жол" қайырымдылық акциясы өткізілді.

Қайырымдылық — халқымыздың ең ізгі қасиеттерінің бірі. «Жанашырлыққа — жан риза» дегендей ,әлеуметтік көмекті қажет ететін балаларға көмектесіп, қамқорлыққа алынған балалардың жанашыр қамқоршысы болып, аялы алақанын тосып, жүрек жылуын ұсыну, сауабы мол іске ат салысу әрбір адамның азаматтық парызы. Елбасының бастамасымен қолға алынып, республика көлемінде өтетін жыл сайынғы «Мектепке жол» қайырымдылық акциясы жаңа оқу жылы қарсаңында «Жүректен жүрекке» ұранымен өтіп жатыр. 
Акцияның мақсаты – жаңа оқу жылына дайындық уақытында аз қамтамасыз етілген және көп балалы отбасылардан шыққан оқушыларға қолдау көрсету және балаланың әлеуметтік себептермен мектепке келмей қалуының алдын алу. 

Осы мақсатта мектебімізде акция жалғасын тапты. 26 тамыз күні «Мектепке жол» акциясын ұйымдастырылды. Мектеп ұжымы бірлесіп әлеуметтік көмекті қажет ететін 15 оқушыға оқушы сөмкесі, оқу құралдарымен және Ақтау қаласы полиция басқармасы бастығының орынбасары полиция полковнигі Садақбаев Мұхтар Қанғалиұлы бастаған топ өздерінің қарлығаш көмектерін көрсетуге келіп, мектебіміздің 8 оқушысына оқушы сөмкесі, оқу құралдарымен қамтамасыз еткен болса, сондай-ақ «КазНИПИ мұнайгаз» АҚ мекемесі 15 оқушымызға мектеп формасы, оқушы сөмекесі және оқу құралдарын алып беріп, демеушілік көрсетіп балаларымызды бір қуантып тастады. Осындай қайырымдылық жасаған «КазНИПИ мұнайгаз» директоры Иманбаев Бақыт Алтайұлына сондай – ақ Ақтау қаласы полиция басқармасы бастығының орынбасары полиция полковнигі Садақбаев Мұхтар Қанғалиұлына және мектеп ұжымына да алғысымыз шексіз. Ертеңге талпыныс, болашаққа бағдар, игі іске ұмтылыс – адамзатқа тән құбылыс. Ендеше, көп болып, асыл арманына қол созғандарға сүйеніш болып, қолымыздан келген көмегімізді аямайық. 





"Сыңғырла, соңғы қоңырау"

icon"№28 жалпы білім беру орта мектебі" КММ-де "Сыңғырла, соңғы қоңырау" атты, жастар жылы аясында ұйымдастырылған соңғы қоңырау салтанатты жиыны өткізілді. Қоңырау үнi. Бұл үн бiлiм кемесi – мектеп қабырғасынан шыққан әрбiр адамның құлағына таныс, жүрегiне жақын. Алғашқы қоңырау – балалық арманыңды жетелеп, бiлiм алып, мақсатыңды айқындауға шақырса, соңғы қоңырау үнi – кәмелетке толып, оң - солын танып, қанаттанған бозбала мен бойжеткендердi арман биiктерiне ұшырып, ең үлкен өмiр мектебiне шығарып салады. Соңғы қоңырау – осындай қимас қоштасу әуенi сәтiмен ыстық.Еліміздегі игiлiктердiң барлығы елдiң болашағы – жас ұрпақтың келешегi жарқын болуы үшiн жасалып жатыр. Туған жеріміздің мәртебесiн арттыратын сендерсiңдер, жас түлектер! Қадамдарыңа сәттi сапар, өмiрлерiне құтты қадам тiлейміз!  

Республикалық "Жұлдызды қолтаңба" өнер байқауының жеңімпаздары атанды.

iconБалалар мен жасөспірімдер арасында өткен Республикалық "Жұлдызды қолтаңба" өнер байқауында мектебіміздің оқушылары вокал жанры бойынша 10-сынып оқушысы Дәурен Алғыт І орын, 7-сынып оқушысы Сүйеуғали Қайнар І орын, 4-сынып оқушысы Қадыр Маржан ІІ орын иегерлері атанды. Үздік өнер көрсеткен оқушыларымыз арнайы дипломмен, медаль және ақшалай сертификаттармен марапатталды. Жетекшісі мектебіміздің музыка пәні мұғалімі Мендигалиева Гульмираға алғысымызды білдіреміз. Жас таланттарға шығармашылық қолдау білдіріп, педагогикалық еңбек жолында жас ұрпақтың бойына азаматтық, рухани адамгершілік, эстетикалық тәрбие қалыстартыра беруіңізге тілектеспіз. 

ІІ Республикалық "Ұлы дала ұрпақтары" байқауында мектебіміздің өнерлі өрендері топ жарды.

iconАқтау қаласында 18-19 мамыр күндері алғашқы рет өткізілген ІІ Республикалық "Ұлы дала ұрпақтары" байқауында мектебіміздің өнерлі өрендері топ жарып, жүлделі орындарды иемденді. Атап айтсақ, 7-сынып оқушылары Саламатова Ақжарқын мен Сауирбекова Сания І орын, Абай Алуа, Қосым Фариза - І орын, 5-сынып оқушылары Ертай Темирлан, Бақтыгүл - ІІІ орын, 7-сынып оқушысы - Нұрболат Сәулет- ІІІ орын иеленді. Жүлделі орындарға ие болған оқушылар арнайы дипломмен, медаль және де ақшалай сертификаттармен марапатталды.Жеңімпаз шәкірттерімізді жеңістерімен құттықтаймыз. Биік шыңдардан көріне берулеріне тілектеспіз! Оқушыларды байқауға дайындаған мектебіміздің қазақ тілі мен әдебиеті пәні мұғалімі Нұрлыбаева Айсұлу және Рахимова Ғазизаға алғысымызды білдіреміз. Сондай-ақ байқау ұйымдастырушыларының атынан жетекшілері алғыс хат пен арнайы "Үздік ұстаз" төсбелгісімен марапатталды. 

"Адалдық апта"

iconАқтау қалалық білім бөлімі, Қазақстан Республикасының мемлекеттік қызмет істері және сыбайлас жемқорлыққа қарсы іс-қимыл агенттігінің Маңғыстау облысы бойынша департаментінің ұйымдастыруымен "Адалдық апта" аясында мектебімізде 14-мамыр күні арнайы шара өткізілді. Шараға «Маңғыстау адалдық алаңы» жобасы кеңсесінің жетекшісі, Маңғыстау облысының қоғамдық кеңес мүшесі Ешманов Кийкбай Жақыпұлы және мектеп ұстаздары қатысты.Жиын барысында мектеп директоры Жаңыл Балмуканбетқызы "Адал ұрпақ" ерікті мектеп клубының жасап жатырған және алдағы уақытта жүзеге асырылатын жұмыстарымен таныстырып өтті. Сұрақтарға жауап беріліп, түсіндіру жұмыстары жүргізіліп, пікір алмасып, кең көлемді шара өтті.Осы апталық аясында арнайы жұмыс жоспары дайындалып, іс-шаралар ұйымдастырылуы керектігі баяндалды. Соның бірі оқушыларға, жасөспірімдер арасында болатын әкімшілік құқықбұзушылықтар мен қылмыстардың алдын-алу мақсатында, сондай-ақ оқушыларға рухани адамгершілік және азаматтық-патриоттық тәрбие беру мақсатында сынып сағаттарын ұйымдастыру, арнайы кездесулер, түсіндіру жұмыстарын жүргізу. 

"Ерлік - елге мұра, ұрпаққа ұран " атты ардагерлермен кездесу өткізілді.

iconЖеңіс күні – бұл сан мыңдаған ұрпақ үшін ортақ мереке. Бұл мереке – бейбітшілік пен қайырымдылықтың мәңгі жасампаздығын, Отанын қорғаған жауынгер-солдаттар мен офицерлердің айбыны, тылдағы Жеңісті жақындатқан жұмысшылардың ерлік еңбектерінің мәңгі өшпейтіндігін дәлелдейтін белгі болып қалмақ. Біздің аталарымыз бен әкелеріміздің батырлықтары мен жанқиярлықтары, олардың өз Отанына деген шексіз сүйіспеншіліктері Қазақстанның бүгінгі жауынгерлері үшін мақтан тұтарлық үлгі ғана емес, бұл – бірнеше ұрпақты байланыстыратын қоғамның рухани дамуы мен ұлттық қайта өрлеуінің жоғары адамгершілік негізі. Жеңіс күні – абыройымыз бен даңқымыздың мерекесі. 

«Қазақстан- достықтың киелі бесігі»

iconМектебімізде 1-мамыр Қазақстан халықтарының бірлігі күніне орай «Қазақстан- достықтың киелі бесігі» атты мерекелік іс-шара ұйымдастырылды. Мақсаты: оқушыларды елін сүюге, Отанға деген мақтаныш сезімін арттыруға ықпал ету. Сыйластық, татулық, бақыт ұғымдары туралы түсініктерін кеңейту.Ынтымағы мен бірлігі жарасқан елдің ұланы екендігін мақтанышпен сезіне білуге тәрбиелеу. 

"Жұлдыз болғың келсе" атты Республикалық дарынды балалар мен жасөспірімдер байқауында топ жарды.

icon28 ақпан күні Нұр-сұлтан қаласында өткізілген "Жұлдыз болғың келсе" атты Республикалық дарынды балалар мен жасөспірімдер байқауында "Көркем сөз" номинациясы бойынша мектебіміздің оқушылары жүлделі орындарды иеленді, атап айтсақ, 10 "Б" сынып оқушылары Көмек Аида - Бас жүлде, Мамутжанова Гүлназ, Байдықылышова Гүлден, Наурызова Жансая, Кийкбай Нұрниет - І орын, Ботабай Бекнұр - ІІ орын, Бердигулов Жадырасын, Сарыев Нұржан - ІІІ орын, 11-сынып оқушылары Зинуров Бекжан, Бақтыбаев Дінмұххаммед -І орын, 8 "Б" сынып оқушысы Түйебай Шыңғысхан -ІІІ орын иегері атанды. Сондай-ақ "Сахналық қойылым" номинациясы бойынша мектеп оқушыларынан құралған "Шындық" тобы "Бас жүлдені" жеңіп алды. Қазылар алқасының төрайымы ҚР-ның еңбек сіңірген әртісі, "Құрмет", "Парасат" ордендерінің иегері, продюсер, ұстаз, әнші Майра Ильясова жеңімпаз оқушыларға дипломдар мен төсбелгілерді өз қолымен табыстап, алғысын білдіріп, жеңістерімен құттықтады. 

"URKER" Халықаралық өнер мен білім байқауында ЛАУРЕАТ атанды.

iconЖеңісті күндер көп болсын!Сәуір айының 21-жұлдызында Елбасымыздың "Болашаққа бағдар: рухани жаңғыру" бағдарламасы аясында ұйымдастырылған "URKER" Халықаралық өнер мен білім байқауында "Эстрадалық вокал" бөлімі бойынша мектебіміздің оқушысы Қадір Маржан ЛАУРЕАТ атанып, Алтын жүлде І дәрежелі дипломмен және төс белгімен марапатталды. Талантты шәкіртімізді жеткен жетістігімен шын жүректен құттықтаймыз! Сондай-ақ өнер мен білім байқауының өтуіне зор үлес қосып, шәкірттері жоғары нәтиже көрсеткені үшін жетекшісі Мендигулова Гулмира "Үздік жетекші" номинациясымен марапатталды. 

"Jas kasipker-2019" республикалық стартап жобалары байқауының жеңімпаздары атанды.

iconYessenov University-де Жастар жылы аясында ұйымдастырылған "Jas kasipker-2019" республикалық стартап жобалары байқауында мектебіміздің 11-сынып оқушылары Петропавлский Глеб "Smart blind" жобасымен І орын, Нышанбай Әсел "Рухани жаңғыру" жобасымен ІІ орын иеленіп, университетте тегін оқуға грант жеңіп алды. Мектеп бітіруші түлектерімізді жеңістерімен құттықтаймыз. Биіктерден көріне беріңдер! 

"Caspian- Start Up 2019" облыстық стартаптар байқауында сертификат иеленді.

icon"Ақтау қаласындағы химия биологиялық бағыттағы Назарбаев зияткерлік мектебінің" ұйымдастыруымен өткен "Caspian- Start Up 2019" облыстық стартаптар байқауына мектебіміздің 8-сынып оқушысы Қуанғали Нұрболат "Салауатты өмір салты" жобасымен қатысып, қабілеті және белсенділігімен көзге түсіп, арнайы сертификатпен марапатталды. Нұрболат өзінің ерекше қабілетімен, дарындылығымен көзге түсіп жүрген оқушыларымыздың бірі. Бұған дейін де бірнеше облыстық сайыстарда топ жарып, жүлделі орындарды қанжығасына байлап жүр. Ақпараттық комуникациялық технологияларды жетік меңгерген, жан-жақты, болашағынан үлкен үміт күттіретін шәкіртіміз Нұрболатқа сәттілік тілейміз. Біз саған сенеміз! Біз сенімен мақтанамыз! Бағындырар биіктерің, алар асуларын көп болсын. 

Соңғы жаңалықтар

Күрделі жөндеу жұмыстары барысынан көріністер

Ақтау қалалық білім бөлімі «№28 жалпы білім беру орта мектебі» КММ-де «Жұмыспен қамтудың жол карта ...

22 шілде 2020
ХАБАРЛАНДЫРУ!!!

Құрметті ата-аналар!!! Білім беру ұйымдарына құжаттарды қабылдау Egov.kz "электронды үкімет" портал ...

10 шілде 2020
АТА-АНАЛАР НАЗАРЫНА!!!

"Бастауыш, негізгі орта және жалпы орта білімнің жалпы білім беретін оқу бағдарламаларын іске асыр ...

10 шілде 2020
Ата-аналар назарына!

Медициналық анықтамаларды алу бойынша туындап жатқан қиындықтарға байланысты азаматтарға білім ...

05 шілде 2020