Сұрақ: Мектепте қосымша үйірмелері бар ма?

Жауап: Ия, әрине, әрбір оқу жылында мектепте балалардың қызығушылығын арттыру, дарынды, талантты оқушылар дайындау мақсатында, оқушылардың оқу процесінен тыс уақытта арнайы үйірмелер ұйымдастырылады. Атап айтсақ, биылғы оқу жылында тоғызқұмалақ, домбыра, театр, қолөнер, волейбол, баскетбол, футбол, үстел теннисі т.б. үйірмелер өз жұмыстарын жүргізуде.

Сұрақ: Биылғы оқу жылының ерекшелігі неде?

Жауап: 2019-2020 оқу жылының ерекшелігі еліміздің білім беру ұйымдарының 4-9 және 10-сыныптарында жаңартылған білім мазмұнын енгізу болып табылады.

4-сыныпта оқытудың ерекшелігі - білім алушыларды білімді жетілдіре отырып белсенді оқуға белсенді тарту болып табылады.

9-сыныптың оқу бағдарламасының ерекшелігі - базалық білім беруді аяқтауға бағытталғандығы болып табылады.

10-сыныпта оқытудың ерекшелігі - білім алушыны нақты мамандануға бағыттау болып табылады.

Сұрақ: «Мектепке жол» акциясы өткізіле ме?

Жауап: Маңғыстау облыстық білім басқармасының 09.07.2019 ж №05-20-2321 хатына сай  3 шілде мен 30 қыркүйек аралығында өтетін «Мектепке жол» акциясын өткізуге байланысты «№28 жалпы білім беру орта мектебі» коммуналдық мемлекеттік мекемесі 2019 – 2020 оқу жылында әлеуметтік көмекті қажет ететін оқушыларға қолдау мақсатында «Мектепке жол» акциясы аясында арнайы комиссия құрылып, сенім жәшігі ілініп, іс – шаралар жоспары жасақталып, жүргізілді. №28 орта мектепте 2797 оқушы оқиды. Оның ішінде 1 – сынып оқушылары 275, аз қамтылған оқушылар саны −127. Осыған орай «Мектепке жол» қамқорлық акциясы барысында демеушілердің көмегімен мектеп формасы және оқушы құралдары, сөмкелер, ақшалай көмек көрсетілді.

Сұрақ: Мектепте оқушыларға жол қауіпсіздік ережелері туралы үйретіле ме?

Жауап: Ия, әрине, оқу жылының басында 5-сыныптарға арналған «Абайлаңыз, бағдаршам!» сайысы және жыл бойы әрбір сыныпта сынып сағаттары өткізіледі.

Сұрақ: Мектепке күрделі жөндеу жұмыстары қашан жасалады екен?

Жауап: Сұрағыңыз өте орынды. Мектеп 2001 жылы ашылған. Сол уақыттан бері күрделі жұмыстар жүргізілмеген. Қазіргі таңда осы мәселе бойынша сұраныс беріліп, күрделі жөндеу жасау жоспарлануда. Соның бір дәлелі мектеп ауласындағы жүргізіліп жатқан жұмыстар

Сұрақ: Мектептеріңіздегі білім сапасы қандай?

Жауап: Жалпы мектептің білім сапасы – 49,1 %, үлгерімі – 99,7%. 11 сыныпты 71 оқушы бітіреді.

Сұрақ:  2020-2021 оқу жылындағы оқу процессі қалай ұйымдастырылуда?

Жауап: Коронавирустық инфекцияның таралуына байланысты шектеу шаралары кезеңінде мектепке дейінгі ұйымдар мен мектепалды даярлық сыныптарында ұйымдастырылған оқу қызметтерін ұйымдастыру бойынша 2020-2021 оқу жылының аясында "№28 Жалпы білім беру орта мектебі" коммуналдық мемлекеттік мекемесі қашықтықтан оқыту форматындағы сабақтарды жүргізуде. Қазіргі таңда 2020-2021 оқу жылын 3015 білім алушымен, 103 сынып комплектісімен бастады. 1 - ші сыныпқа 376 оқушы қабылданып, оның 352 сі кезекші сыныпта , 24 оқушы онлайн режимде білім алуда. Қашықтықтан білім беру технологияларын пайдаланып 193 педагог онлайн-сабақтарды бекітілген сабақ кестесі бойынша онлайн ресурстың көмегімен өткізуде. Сондай-ақ ерекше білімді қажет ететін білім алушыларға мүмкіңдігінше қолдау көрсетіліп, ерекшелігіне сай білім берілуде. Ата-аналармен қарым қатынастың шынайы моделін дамытуда онлайн-конференциялар өткізіліп, қашықтықтан білім беру платформалары мен электронды ресурстарды қолданудың мүмкіндіктері туралы түсіндірме жұмыстары жүргізілуде. 

Жарияланған күні: 28-09-2020  

Соңғы жаңалықтар

Бекарыс Шойбековпен "Адалдық сағаты"

Бекарыс Шойбековпен "Адалдық сағаты" ...

28 қараша 2020
https://youtu.be/so7Xa_d5Ajc

Қоғам қайреткері, ағартушы ғалым, ақын "Ахмет Байтұрсынұлы-адамдықпен білім диқаншысы" тақырыбынд ...

28 қараша 2020
10-қазан Дүниежүзілік психикалық денсаулықты сақтау» күні

Ақпарлама 09.10.2020 жылы мектеп психологтары Ж.Айтжанова мен А.Елгондиеваның ұйымдастыруымен «10-қаз ...

06 қараша 2020
Жағымды жаңалық!

  29 шағынаудан ата-аналары мен білім алушылар НАЗАРЫНА! 29 шағынаудан №25 ғимарат «№28 жалпы ...

06 қараша 2020
Әдеп және сыбайлас жемқорлыққа қарсы іс-қимыл жөніндегі уәкілдің міндеттерін жүктеу туралы

Әдеп және сыбайлас жемқорлыққа қарсы іс-қимыл жөніндегі уәкілдің міндеттерін жүктеу туралы   ...

16 қазан 2020